Nauðsynlegt er að nemendur hafi meðferðis hollt og gott nesti í skólann. Hollt fæði stuðlar að vellíðan nemenda og eykur hæfni til náms. Munið að skólinn er hnetulaus skóli.

Nemendur nota fjölnota brúsa fyrir vatn og koma með nesti að heiman í fjölnota umbúðum. Matarleifar úr morgunhressingu taka nemendur með sér heim aftur, meðal annars til að foreldrar geti séð hvað barnið borðaði af nestinu sínu. Aðeins eru leyfðar fjölnota umbúðir í skólanum.

Við hvetjum foreldra til að senda börnin með ávexti og grænmeti í nesti.

Hér eru hugmyndir að hentugu skólanesti:

Ávextir

Epli, banani, pera, mandarínur, plómur, jarðarber, vínber, melónubitar, kíví + teskeið í nestisboxið.

Grænmeti

Tómatar, gulrætur, blómkálsbitar, paprika í bitum, gúrkubitar eða rófur.

Samloka

Gróft brauð, gróft rúgbrauð, flatkökur.

Álegg

Ostur og epli/paprika í sneiðum

skinka eða kæfa + kálblað, gúrku og/eða tómatsneiðar

banani í sneiðum

egg + kavíardoppur + tómatur og/eða gúrka

Prótein

Mörgum finnst gott að bæta prótein inntöku barna sinna og hentar oft þeim sem eiga erfiðara með að borða staðgóðan morgunmat áður en farið er til skóla.

Heil egg harðsoðin.

Ostar t.d skera niður heilan ost eða nota ost sem kemur í smærri einingum.

Skyr og aðrar próteinríkar mjólkurvörur eru því miður oftar en ekki mjög sykurbættar en hægt er að nálgast mjög handhæg nestisbox í flestum matvörubúðum þar sem hægt er að setja hreint skyr, ab mjólk eða gríska jógúrt. Þessum boxum fylgja oft lítil box með til að fylla með til dæmis bláberjum, haframjöli eða músli (hnetufrítt) til að setja út á til bragðbætingar.